XML-ის დოკუმენტის ტიპები - w3schools.com

XML Document Types

XML დოკუმენტის ტიპები

XML დოკუმენტი, რომელსაც სწორი სინტაქსტი აქვს, არის „კარგად ფორმირებული“.

„ვალიდური“ XML დოკუმენტი ასევე უნდა შეესაბამებოდეს კონკრეტული დოკუმენტის ტიპს.

კარგად ფორმირებული XML დოკუმენტები

XML დოკუმენტი, რომელსაც სწორი სინტაქსი აქვს არის „კარგად ფორმირებული“.

წინა თავებში აღწერილი იყო სინტაქსის წესები:

  • XML დოკუმენტს უნდა ჰქონდეს ძირი ელემენტი
  • XML ელემენტებს უნდა ჰქონდეს დახურვის ტეგი
  • XML ტეგებისთვის მნიშვნელოვანია რეგისტრი
  • XML ელემენტები სწორად უნდა იყოს ჩასმული (დაბუდებული)
  • XML ატრიბუტის მნიშვნელობები უნდა იყოს ციტირებული
<?xml version="1.0" encoding="UTF-8"?>
<note>
<to>Tove</to>
<from>Jani</from>
<heading>Reminder</heading>
<body>Don't forget me this weekend!</body>
</note>

XML ვალიდატორი

იმისათვის, რომ თქვენი XML ფაილის სინტაქსის შემოწმება გაგიადვილოთ, ჩვენ შევქმენით XML ვალიდატორი XML-ის ფაილების სინტაქსის შესამოწმებლად.

გთხოვთ, იხილოთ მომდევნო თავი.

ვალიდური XML დოკუმენტი

ვალიდური XML დოკუმენტი არ არის იგივე, რაც კარგად ფორმირებული XML დოკუმენტი.

პირველი წესი, ვალიდური XML დოკუმენტისთვის, არის, რომ ის უნდა იყოს კარგად ფორმირებული (იხ. წინა აბზაცი).

მეორე წესი არის ის, რომ XML დოკუმენტი უნდა იყოს დოკუმენტის ტიპის შესაბამისი.

წესებს, რომლებიც განსაზღვრავს ლეგალურ ელემენტებსა და ატრიბუტებს XML დოკუმენტისთვის ხშირად ეწოდება დოკუმენტის განსაზღვრებები ან დოკუმენტის სქემები.

როდის გამოიყენება დოკუმენტის განსაზღვრებები?

დოკუმენტის განსაზღვრება ყველაზე ადვილი საშუალებაა დოკუმენტის ლეგალური ელემენტებისა და ატრიბუტების მისათითებლად.

დოკუმენტის განსაზღვრება ასევე უზრუნველყოფს საზოგადო მინიშნებას, რომელიც შესაძლებელია მრავალ მომხმარებელთან (დეველოპერთან) იყოს გაზიარებული.

დოკუმენტის განსაზღვრება უზრუნველყოფს სტანდარტიზაციას, რომელიც ცხოვრებას აადვილებს.

როდის არ გამოიყენება დოკუმენტის განსაზღვრება?

XML არ მოითხოვს დოკუმენტის განსაზღვრებას.

როდესაც თქვენ ექპერიმენტს ატარებთ XML-ით ან როდესაც პატარა XML ფაილებზე მუშაობთ, დოკუმენტის განსაზღვრების მომზადება შეიძლება დროის კარგვა იყოს.

თუ ავითარებთ აპლიკაციას, დაელოდეთ, ვიდრე სპეციფიკაციები დასტაბილურდება, ვიდრე მას დოკუმენტის განსაზღვრებას დაამატებდეთ. სხვა შემთხვევაში, თქვენმა პროგრამულმა უზრუნველყოფამ შეიძლება შეწყვიტოს მუშაობა, შეცდომების ვალიდაციის გამო.

დოკუმენტის განსაზღვრებები

XML-თან რამდენიმე სხვადასხვა დოკუმენტის განსაზღვრება შეიძლება იყოს გამოყენებული:

  • ორიგინალი Document Type Definition (DTD)
  • ახალი XML-ზე დაფუძნებული XML სქემა
Last modified: კვირა, თებერვალი 9 2014, 3:48